«Փորված փոսն ու ժանգոտած արմատուրաները շարունակում են «շոյել» մեր աչքը». Ա. Մղդեսյան

«Մեդկա կենտրոն» ծրագրի խմբագիր-համակարգող Արշալույս Մղդեսյանը գրում է. «Ուրեմն անցյալ տարի աշնանը Կասկադի չկառուցված հատվածը նվիրաբերվեց Երևան համայնքին։
Անցել է արդեն մեկ տարի ու որևէ բան քաղաքի ամենասիրուն վայրերից մեկի կյանքում, որը Երևանի տուրիստական գլխավոր այցեքարտերից է, չի փոխվել։ Երևանի գլխին փորված փոսն ու դրանից դուրս ցցված ժանգոտած արմատուրաները շարունակում են «շոյել» մեր աչքը։
Ունենաս ԽՍՀՄ-ից ժառանգած, հետո հայ բարերարի միջոցներով վերանորոգված նման հոյակերտ շինություն, ու էս կարգի փնթի վերաբերվե՞ս։
Ո՞վ է տեղյակ, Կասկադը վերջնական տեսքի բերելու որեւէ իրատեսական ծրագիր կա՞, որի տակ դրված են հաշվարկ, ժամկետ ու ֆինանսներ։
Ավելորդ է ասել, թե ինչ անմխիթար վիճակում է գտնվում Կասկադի վերեւում գտնվող հուշարձանն ու դրան կից դիտահարթակը»: