«Նիկոլների կառավարումը հայ ազգի ամոթն է». Հովհաննես Ավետիսյան

Հանրային կառավարման մասնագետ Հովհաննես Ավետիսյանը ֆեյսբուքյան իր էջում գրել է․ «Հայաստանի անկախությունից ի վեր բոլոր իշխանությունները ձևավորվել են հայկական ազատագրական պայքարի շուրջ, որի առանցքում եղել է Արցախը՝ սկսած ՀՀՇ-ից (հայոց համազգային շարժում), ՀՀԿ-ով և այլք:
Ներկայի մեր պետությունն իսկ ստեղծվել է այդ ազատագրական պայքարի առանցքի շուրջ՝ տես անկախության հռչակագիրը:
Մեր ձախողումները մինչև Նիկոլ եղել են պետության կառավարման մեջ՝ ռեսուրսների վատնում, օլիգարխիա, կոռուպցիա, նեպոտիզմ և այլք:
Նիկոլն իշխանության եկավ այս անարդյունավետ կառավարումից հոգնած ժողովրդի ցասման ալիքի վրա:
Սակայն, շահարկելով վատ կառավարումը, նա նսեմացրել է հայերի ազատագրական պայքարը, որը դեռ չէր հասել իր տրամաբանական հանգուցալուծմանը և դեռ տասնյակ տարիներ կպահանջվի դրան հասնելուն: Նիկոլները չեն կարող, ինչքան էլ ջանք թափեն, խաբեն և մանիպուլացնեն ազգին, չեն կարող հայ ժողովրդին հետ պահել ազատության համար պայքարից:
Սա եկել և փորձում է փոքր ինչ լավացնելով մարդկանց կենցաղը՝ բթացնել մարդկանց զգայարաններն ու ուղեղը և գնել մեր ազատությունը. Սա ստրկություն է բերում խաղաղության դիմաց և հետևաբար սիմվոլն է անազատության և ստրկության, որ գալիս է գաղութարարաների հովանավորչությամբ՝ լինեն թուրք, ռուս, թե այլք:
Չկա այլընտրանք ազատությանը: Արցախն ու Հայաստանը դեռ ազատագրական պայքարի մեջ են, որ այս պահին նիկոլների ձեռամբ դադար է առել, հետընթաց է ապրում, և հետևաբար չկա այլընտրանք Նիկոլից ազատվելուն:
Նիկոլների կառավարումը հայ ազգի ամոթն ու ստորացումն է և օր առաջ դրանց իշխանությունից հեռացնելը պետք է լինի ցանկացած գիտակից և զտարյուն հայի այս պահի գերնպատակը»: