«Այդպես էլ չբարձրացանք համահայկական խաղ ու պարից». Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը. «Ամբողջ խնդիրը հենց այն է, որ մենք հայկական անկախ պետականության վերականգմանը հաջորդած երեք տասնամյակի ընթացքում խոշոր հաշվով այդպես էլ չբարձրացանք համահայկական խաղ ու պարից։ Դրա գոյությունը բոլորովին խնդիր չէ, խնդիրը այն է, որ հենց դա կազմեց համահայկականության էությունը՝ Հայաստան-սփյուռք փոխհարաբերության հարցում, մեզ դարձյալ տալով երկու ծայրահեղության աքցանի բերան՝ սփյուռքը կամ ամեն ինչ է, որի դեմ խաղ չկա, կամ սփյուռքը ոչինչ է եւ միայն պատուհանից երեւացող Արարատի պահանջարկ։ Այդ երկու ծայրահեղությունների մեջ մսխվում են մեր՝ առանց այդ էլ ոչ շատ մեծ ու լայն հնարավորությունները։ Եվ այստեղ խոսքը ամենեւին չի վերաբերում միայն սփյուռքի հետ Հայաստանի գործակցությանն ու կապին, այլ ինքնին Հայաստանի պետական ու հանրային օրգանիզմի գործունակությանը»: