«Շատ էլ լավ են արել, որ չեն թողել, դրանով փրկել են մեր երեխաներին». Նարինե Մանուկյան

Հանրապետական վերականգնողական կենտրոնի տնօրեն Նարինե Մանուկյանը ֆեյսբուքյան իր էջում գրել է. «Ուրեմն այսպես.
երկար մտածեցի, թե ինչպես գրեմ, որ մաքսիմալ կոռեկտություն պահպանեմ, նմանատիպ դեպքերում դա շատ բարդ է:
Այսօր մեր երեխաները Վանաձորից հասել են Երևան, որ գնան Ջրաշխարհ ու ժամանակ անցկացնեն, սակայն նրանց ներս չեն թողել՝ պատճառաբանելով, որ կխանգարեն մնացածի հանգիստը:
Շատ էլ լավ են արել, որ չեն թողել, դրանով փրկել են մեր երեխաներին, քանի որ այնտեղ տիրող հագահիգիենիկ միջավայրը հաստատ մեծ վնաս էր տալու նրանց:
Տարիներ առաջ եմ այցելել և երդվել եմ, որ էլ երբեք չեմ գնա, քաղաքում ինչքան մաշկավենարական պոտենցիալ վարակակիր կար՝ այնտեղ էին, միջավայրը հնամաշ ու փնթի, մի խոսքով սեռավարակների բուն:
Մարդկային տեսակետից դուք դրսևորել եք ծայրահեղ անհանդուրժող, հետամնաց, էժանագին, անմարդկային ու գեղցի վարվելակերպ, դե ինչպիսին, որ կաք:
Քաղաքակիրթ երկրում ձեզ դատի կտային ու մի կլորիկ գումար կվճարեիք՝ ներողություն խնդրելով երեխաներից ու ծնողներից, բայց դե սա մեր մասին չէ, դրա համար էլ դուք կաք:
Ի դեպ նշեմ, որ բոլոր այս երեխաներին անձամբ ճանաչում եմ և վստահեցնում եմ, որ թե՛ ինտելեկտուալ և թե՛ վարքային իմաստով շատ ավելի գիտակից, մաքրասեր ու խելացի են, քան ձեր աշխատակիցների ու հյուրերի մեծ մասը:
Ինչևէ, այսօր այսքանը:
Փորձեցի մաքսիմալ զսպել հույզերս:
Բարդ էր»: