«Այս մեծ աղետից մարդկանց միտումնավոր շեղում են՝ գինու, գարեջրի, խորովածի, երգուպարի փառատոններով». Ո. Սարգսյան

Լրագրող Ոսկան Սարգսյանի ֆեյսբուքյան գրառումը. «Հրազենային վիրավորումից մահացած Ժորա Կարապետյանը 18 տարեկան էր, տան միակ որդին: Լրատվական այս չոր տողերի մեջ մարդկային անչափելի ողբերգություն կա։ Բանակում հաճախ են սպանություններ լինում, նաև՝ սպանություններ Հայաստանի քաղաքներում և գյուղերում, հանրապետության ճանապարհներին ամեն օր մահվան ելքով ավտովթարներ են տեղի ունենում։ Հայաստանը շողուլից ընկել է, դարձել է գժանոց բաց երկնքի տակ, այս մեծ աղետից մարդկանց միտումնավոր շեղում են գինու, գարեջրի, խորովածի, ծաղկի, երգուպարի, մարզական փառատոններով, «ֆիստիվառներով», պետբյուջեի 6 միլիոն դոլարով Հայաստան բերվելիք, թմրանյութ օգտագործող ռեփեր Սնուփ Դոգով»։