«Նիստը հետաձգվեց». Տիգրան Աթանեսյան

«Դատարան ներկայացված միջնորդությունը, զարմանալիորեն հայտնաբերեցինք, հասցեագրված էր ոչ թե Հակակոռուպցիոն դատարանին, այլ՝ Երևանի դատարանին: Պահանջեցինք՝ թողնել առանց քննության, ինչին դատավորը պատասխանեց՝ տեխնիկական վրիպակ է: Այս հարցի վերաբերյալ կդիմենք պատկան մարմիններին, որպեսզի դատավորի պատասխանատվության հարց բարձրացվի. ինքը վարույթ է ընդունում մի միջնորդություն, որն իրեն չէ հասցեագրված: Երկրորդ, բացարկ ենք հայտնել դատավորին, հաշվի առնելով, որ նրա հայրը և եղբայրը Մարտի 1-ի հետ կապված իրադարձություններով ենթարկվել են քաղաքական հալածանքների՝ նախկին իշխանությունների կողմից: Ասացի՝ եթե քո ընտանիքը ենթարկվել է քաղաքական հալածանքների, հիմա դու ես ենթարկում»,- դատարանի բակում լրագրողների հետ զրույցում ասաց պաշտպան Տիգրան Աթանեսյանը՝ հավելելով, որ Աշոտյանին կալանքի տակ պահելու ժամկետը երկարացնելու միջնորդության քննարկման դատական նիստը հետաձգվեց մինչև երկուշաբթի՝ ժամը 12:30. «Պարզվեց, որ քննիչը միջնորդությանը կից ներկայացրել է 9 ձայնասկավառակ, որոնց տևողությունը 23 ժամ է... Բուն միջնորդության քննություն տեղի չի ունեցել»,- հավելեց նա: