«Այն քաղաքականությունը, որ վարում է այսօրվա իշխանությունը, տանում է աղետի»․ Մարջան Ավետիսյան

«Ռեվյու» հաղորդման եթերում դերասանուհի Մարջան Ավետիսյանն ասել է՝ իր համար կանխատեսելի էր, որ 2018-ի իրադարձություններից հետո աղետ է լինելու․ «Վստահ էի, որ աղետ է լինելու, բայց մասշտաբները, բնականաբար, չէի պատկերացնում։ Չէի պատկերացնում, որ մեր դռներն էնպես կփակեն մեր առաջ, որ չկարողանանք տեսնել մեր հայրենակիցներին, ավելին՝ չկարողանանք 35 հազար երեխաների ուտելիք հասցնել ու էսպես սովի մատնել: Բնականաբար, որքան երկարաձգվի էս միֆը՝ խաղաղության պայմանագրի, էդքան վիճակը ծայրահեղ է լինելու: Բայց արցախցիներն ամուր են, և հուսամ, որ իրենց կամքը, ամրությունը չի կոտրվի: Այն քաղաքականությունը, որ վարում է այսօրվա իշխանությունը, միանշանակ տանում է աղետի, բայց իմ հավատալիքները թույլ են տալիս ինձ մի քիչ ոգևորվել ու ամուր մնալ, որ ամեն ինչ էսպես չի ավարտվելու»,- ասել է նա։