Երկուշաբթի, 23 փետրվարի, 2026 թ.
|
Ստեփանակերտում`   +4 °C

Հելեն Դադայանի մարմինը հակառակորդը թույլ չի տալիս տանել Արցախ. մի խումբ ցուցարարներ շրջափակել են ՀՀ-ում ԿԽՄԿ շենքը

Հելեն Դադայանի մարմինը հակառակորդը թույլ չի տալիս տանել Արցախ. մի խումբ ցուցարարներ շրջափակել են ՀՀ-ում ԿԽՄԿ շենքը
247
Ուրբաթ, 18 օգոստոսի, 2023 թ., 19:06

Ակցիա՝ ԿԽՄԿ դիմաց. «Ինչո՞ւ Բաքուն թույլ չի տալիս Շիրակի վթարից զոհված արցախցի Հելեն Դադայանի մարմինը տեղափոխել Արցախ»
Մի խումբ արցախցի երիտասարդներ հավաքվել են ՀՀ-ում Կարմիր խաչի միջազգային կոմիտեի գրասենյակի դիմաց ու արգելափակել են մուտքերը։ Նրանք պահանջում են պարզաբանել, թե ինչ հիմնավորմամբ է Բաքուն մերժել Գյումրի-Երևան ճանապարհի ողբերգական վթարի զոհերից մեկի՝ արցախցի 21-ամյա Հելեն Դադայանի մարմինն Արցախ տեղափոխելու շուրջ ձեռք բերված նախնական համաձայնությունը։

«Այս պահին դուք գտնվում եք շրջափակման մեջ, դուրս չեք գալու, քանի չեք տվել մեզ հուզող հարցի պատասխանը։ Բոլկադա՝ բլոկադայի դեմ, բլոկադայի մեջ եք, և որոշակի ժամանակ կզգաք այն, ինչ զգում են արցախցիները»,- հայտարարել են ակցիայի մասնակիցները։

Նրանք պահանջում են ԿԽՄԿ-ից՝ կամ Ադրբեջանի մերժման պատճառաբանությունը, կամ իրականացնեն Ժնևյան կոնվենցիայով իրենց տրված իրավունքները և Հելեն Դադայանի դիակը տեղափոխել Արցախ, որպեսզի ընտանիքը հրաժեշտ տա աղջկան։

Հելեն Դադայանը Արցախի Ճարտար գյուղից էր։ Նա ընտանիքն այժմ շրջափակման մեջ է։ Նա սովորում և աշխատում էր՝ Եվրասիա Համալսարանում։