«Ինտիմ սկանդալները երբեք պատահական չեն հայտնվում». Արգիշտի Կիվիրյան

Վերլուծաբան Արգիշտի Կիվիրյանը ֆեյսբուքյան իր էջում գրել է. «Հայկական իրականության մեջ, ոնց որ ողջ աշխարհում, ինտիմ սկանդալները երբեք պատահական չեն հայտնվում։ Եթե հիշողությունս չի դավաճանում, անգամ Սովետի ժամանակ, լեգենդար ՆԳՆ նախարար Պատալովին, Եվգենի Գուրգենիչին կարողացան հանել, երբ ճիշտ ժամանակին հայտնվեց մի հատ անչափահաս երեխու բռնաբարության պատմություն։ Իսկ իրականության մեջ Մոսկվան մաքրում էր Շոլոկովի կադրերին։ Այն, որ այս անգամ էլ տեղի է ունեցել շատ տհաճ պատմություն, անչափահաս երեխայի մասնակցությամբ, դա փաստ է, ուղղակի թե այս պահին դրա հայտնվելով և ողջ հասարակությանն ինկվիզիցիայի սուրբ գործի մեջ ներքաշելով ինչ հարցեր են լուծվում, այ սա ա հիմնական հարցը։ Կամ ինչ-որ մի բան են ուզում սրա տակ սղցնել, կամ հասարակությանը զբաղեցնել սրանով»: