«Հայաստանը կատարում է ինկուբատորի դեր սփյուռքի համար». Կիվիրյան

Վերլուծաբան Արգիշտի Կիվիրյանը ֆեյսբուքյան իր էջում գրել է. «Դեռ սրանից մի հարյուր տարի առաջ Գարեգին Նժդեհը շատ դիպուկ նկատել է, որ Հայը Հայաստանից դուրս դատապարտված է ուծացման։ Ու հասկացել, որ դրա դեմը առնելու միակ ճանապարհը հայրենիք վերադառնալն ա, ինչը ինքը նախընտրեց անգամ կալանավորի կարգավիճակում, դրա համար էլ երբ սովետական զորքերը մտնում էին Բուլղարիա, ինքը մնաց այնտեղ, փաստացի հանձնվելով Սմերշին։ Ցեղասպանությունից հետո ձևավորված հայկական սփյուռքի մեծ մասը արդեն ձուլվել կամ կիսաձուլվել ա, ուղղակի անկախությունից հետո արդեն անկախ Հայաստանից մեկնածները նոր միս ու արյուն հաղորդեցին սփյուռքին, սակայն 2-3 սերունդ ու նորից նույն վիճակն ա լինելու։ Ցավոք, Հայաստանը կատարում է ինկուբատորի դեր սփյուռքի համար, ապահովելով հա նոր գլխաքանակ, փոխանակ լինի հակառակը։ Ինչևէ, հենց դա հաշվի առնելով էլ, ես ուղիղ մատնանշել էի, որ հզոր սփյուռք ասածը հայկական գեղեցիկ միֆ ա, առավել ևս, որ դա համազգային աղետ ա, որ ինքը աճել ա Հայաստանի բնակչության հաշվին։ Բայց մարդիկ ոչ Նժդեհի այդ համապատասխան մտքերն են կարդացել ու վերլուծել, ոչ այլ նման գնահատականներ, ուղղակի կառչել են այն հիմար կարգախոսից, որ մեզ պետք ա հզոր սփյուռք։ Այնինչ մեզ պետք ա հզոր Հայաստան ու հայրենադարձություն, որ այն հայն էլ, որ չի ցանկանում որ ինքը կամ իր սերունդը Նժդեհի ասած, ուծանա, կարողանա վերադառնալ ու ապրել հայրենիքում»: