«Մենք չպետք է վախենանք պատերազմից, պետք է վախենանք պատերազմին չպատրաստվելուց». Կարեն Հովհաննիսյան

Ռազմական փորձագետ Կարեն Հովհաննիսյանը ֆեյսբուքյան իր էջում գրում է․ «2019-20թթ-ին Ադրբեջանը սահմանային բոլոր առանձնատների սեփականատերերին ստիպեց, որ իրենց բակերում կառուցեն ռմբապաստարաններ, թաքստոցներ։ Այն, որ Ադրբեջանը շատ մանրակրկիտ է պատրաստվել ու դեռ պատրաստվում, դա ապացուցված է։ Այսօր մենք ևս պետք է պատրաստվենք, ու դա պետք է լինի օրենքով։ Կարծում եմ, որ մեր երկրում կառուցվող նոր առանձնատների համար նոր չափորոշիչներ պետք է ներդրվեն և առանձնատունը ունենա պարտադիր թաքստոց, կամ ռմբապաստարան։ Խոսքը նկուղի մասին չէ, նկուղը ռմբապաստարան չէ։ Մենք չպետք է վախենանք պատերազմից, պետք է վախենանք պատերազմին չպատրաստվելուց։ Երբ ասում եմ մենք, նկատի ունեմ նաև հասարակությանը»: