«Ադրբեջանի կողմից պատրաստվող հարձակման մասին լուրը նոր չէ, ռուսներն էլ չեն հեռանում». Հոխիկյան

Լրագրող Նաիրի Հոխիկյանի ֆեյսբուքյան գրառումը. «Հայրենակիցներ, եկեք մի երկու հարցի վերաբերյալ հասկանանք իրականությունը.
1. Ադրբեջանը մեծ զորք է կուտակել սահմանին, պատրաստվում է հարձակման։
Այս լուրը մեծ արագությամբ տարածվում է համացանցում։ Տեքստում մանրամասն նկարագրվում է այն զենքն ու զինտեխնիկան, որը թշնամու կողմից կիրառվելու է մեր դեմ։ Մարդիկ վախեցած են։
ԻՐԱԿԱՆՈՒՄ. Ադրբեջանի կողմից պատրաստվող հարձակման մասին լուրը նոր չէ, ուղղակի երբ մեր հանրությանն ասվում է ավելի վաղ, մարդիկ գերադասում են ջայլամի դիրք ընդունել, իսկ երբ ամեն ինչ ավելի վտանգավոր է դառնում, հանկարծ խուճապի են մատնվում։ Մի վախեցեք, ուղղակի պատրաստ եղեք նոր ագրեսիայի դիմակայման։
2. Ռուս խաղաղապահները, իբրև թե, իրենց ընտանիքներին հանել են Արցախից։
Այս լուրը ևս մեծ արագությամբ տարածվում է համացանցում, մանավանդ որ, ադրբեջանցիները նաև տարածել են Շուշիից նկարած մի տեսանյութ։ Մարդիկ էլի վախեցած են, թե ռուսները հեռանում են։
ԻՐԱԿԱՆՈՒՄ. Այդ տեսանյութը հին է, և Ադրբեջանի կողմից այն տարածվել է հայերի մեջ խուճապ տարածելու համար։ Տեսանյութը նկարահանվել է շատ ավելի վաղ, տեղաշարժն էլ եղել է սովորական իրավիճակ։ Ի դեպ, ռուս խաղաղապահների միայն բարձր սպայական կազմի մի մասն է իր հետ Արցախ տարել ընտանիքը։ Այնպես որ, մի վախեցեք, ռուսները չեն հեռանում։
Ու ընդհանրապես, մարդիկ աջուձախ գոռում են, թե ռուսները պիտի հեռանան, բայց հենց մի կիսատ լուր է տարածվում, թե ռուսները ուզում են հեռանալ, նույն մարդիկ աղմկում են, թե վաաայ, ռուսները հեռանում են, թուրքերը մեզ կուտեն։
Ռուսները ոչ այսօր, բայց մի օր կհեռանան, իսկ մենք պիտի պատրաստ լինենք...»։