«Ամոթ ձեզ տղամարդիկ, որ դուք կանանցից ավելի թույլ եք». Ռուբեն Վարդանյան

«Ազատություն ռադիոկայանին տված հարցազրույցում Ռուբեն Վարդանյանը, խոսելով արցախի առջև ծառացած մարտահրավերների մասին, մասնավորապես ասաց. «Միակ հարցը, որ մեր առջև կանգնած է՝ ինչպես փրկել մեր հայրենիքը, ոչ թե՝ որտեղ հաց, այնտեղ կաց: Կամչատկայում ռուսներից հետո ամենաշատը հայեր են ապրում: Դե ուրախացեք: Գնացե́ք, եկեղեցի սարքեք մի հատ էլ դպրոց ու այնտեղ ուրախացեք, որ դուք հայ եք, հայություն եք պահպանում: Ի՞նչ ենք մենք հպարտանում, որ 118 երկրներում հայեր են ապրում: Ի՞նչ ենք հպարտանում, որ ամեն անգամ փորձում ենք ձև գտնել, թե ինչու չպետք է պայքարենք, այլ գնանք ուրիշ երկրներ: Գալիս է պահը, որ դու կամ մարդ ես, կամ չէ, կամ տղամարդ ես, կամ չէ, կամ կին ես, կամ չէ: Արցախում այնքան կանայք կան, որ ավելի լավ են հասկանում իրավիճակը, քան շատ տղամարդիկ, որ հիմա պաշտոններում նստած խորհուրդներ են տալիս թե Հայաստանու, թե Արցախում: Ամոթ ձեզ տղամարդիկ, որ դուք կանանցից ավելի թույլ եք»: