«Երեկ թոռնիկիս մեքենայի ակերի տակից եմ հանել. Կոնդ բարձրացող ճանապարհին մայթ չկա». քաղաքացին՝ Ավինյանին

«Պարոն Ավինյան, ի՞նչ եք մտածում Կոնդ բարձրացող ճանապարհի վրա կառուցված պարսպի մասին. մայթ չկա, ճանապարհ չկա: Երեկ իմ թոռնիկին ես մեքենայի ակերի տակից եմ հանել: Նախ էդ Դվինի 20 հարկանի շենքը կառուցեցին, մարդիկ ձեն չհանեցին, հիմա էլ՝ պարիսպը, մայթ փաստացի գոյություն չունի»,- Էրեբունիում մոտենալով քարոզարշավ իրականացնող քաղաքապետի ՔՊ-ական թեկնածու Տիգրան Ավինյանին, գանգատվեց համայնքի բնակիչներից մեկը:

Լսելով նրան, Ավինյանը հարցրեց՝ արդյոք իրատեսական լուծում կա՞, ինչին ի պատասխան քաղաքացին ասաց. «Իհարկե կա, ոնց քանդում եք մյուս ճանապարհների կրպակները, էդպես էլ էդ անօրինական պարիսպը քանդեք»: