Սարի թաղ, մեր օրեր

Իր դարն ապրած 9 համարի այս ավտոբուսները, շարունակում են սպասարկել Էրեբունու՝ բնակչության թվով ամենամեծ թաղամասերից մեկը՝ Սարի թաղը: Դրանք ոչ միայն շատ վտանգավոր են, քանի որ մեծամասամբ անսարք վիճակում են, այլև՝ անհարմարավետ և «դանդաղաշարժ»:

Ամիսներ առաջ 21 համարի «Պազ»-երը փոխարինվեցին նոր միկրոավտոբուսներով, սակայն ոչ բավարար քանակի պատճառով, դրանք մշտապես գերբեռնված են, ինչը դարձյալ խնդիրներ է առաջացնում բնակիչների համար:

Առջևում ուսումնական շրջան է. թե ինչպես են աշխատանքի և դասի շտապող քաղաքացիները տեղավորվելու փոքրիկ միկրոավտոբուսների մեջ, որն ի դեպ, 20 րոպե հաճախականությամբ է սպասարկում, դժվար է պատկերացնել: