«Նայի, հենց չսարքես՝ գալու եմ քաղաքապետարան». քաղաքացին՝ Ավինյանին

«Ես 60 տարի է՝ էս շենքում եմ, մեկը չկա էս բակը վերանորոգի»,- Մալաթիա Սեբաստիա վարչական շրջանում, քարոզարշավի ժամանակ, մոտենալով քաղաքապետի ՔՊ-ական թեկնածու Տիգրան Ավինյանին, ասաց բնակիչներից մեկը:

«Համանքային միջոցները ձեր միջոցներն են, այդ միջոցները պետք է գնան ձեր բակերի բարեկարգման, մանկապարտեզների, փողոցների, մայթերի, կանաչապատման վրա: Ձեր բակը, համայնքը սարքելու ենք մյուս տարի»,- ասաց Ավինյանը:

«Հա՜, մյուս տարի՞»,- հիասթափված ասաց բնակիչներից մեկը՝ հավելելով. «Նայի, հենց չսարքես՝ գալու եմ քաղաքապետարան»: Արձաքանքելով տիկնոջն Ավինյանն ասաց. «Տիկին Արև ջան, դեռ չի եղել մի դեպք, որ ես խոստանամ և իմ խոսքից հետ կանգնեմ»: