«Թշնամին այնքան է հաբրգել, որ և՛ խախտում է, և՛ մեղադրում մեզ»․ Հասրաթյան

Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրում է․ «Երբեմնի Հայոց բանակը, որ տարիներ շարունակ սեփական կամքն էր պարտադրում թշնամուն և, որպես կայացած զինուժ, վաստակել էր տարածաշրջանում ամենամարտունակներից մեկի համբավը, հազվագյուտ էր թշնամու կողմից «մեղադրվում» հրադադարի պահպանման ռեժիմը «խախտելու» մեջ... Իսկ, եթե «մեղադրվում» էր, ապա իսկույնևեթ դրան հաջորդում էր այն, ինչին արժանի էր սադրանքներ հյուսող թշնամին...
Այսօր այլ է վիճակը... Այսօր թշնամին այնքան է հաբրգել (իսկ մեր բանակը դարձել խեղճ ու անօգնական), որ, գրեթե ամենօրյա ռեժիմով և՜ խախտում է հրադադարը, և՜ մեղադրում մեզ...»։