«Կիևի ուրվականներից» մեկը մահացել է ավիավթարի հետևանքով

Ուկրաինայի Ժիտոմիրի մարզում երկու L-39 ուսումնական ինքնաթիռների բախման հետևանքով զոհվել են երեք ուկրաինացի ռազմական օդաչու՝ Անդրեյ Պիլշչիկովը, Վյաչեսլավ Մինկան և Անդրեյ Պրոկազինը, հայտնում են ուկրաինական լրատվամիջոցները։

Պիլշչիկովը, որը հայտնի է Ջուս նշանով, 40-րդ մարտավարական ավիացիոն բրիգադի լավագույն մարտիկներից էր, համարվում է «Կիևի ուրվականի» մասին լեգենդի նախատիպը։
Ուկրաինայի ռազմաօդային ուժերի խոսնակ Յուրի Իգնատն ասել է, որ Պիլշչիկովը պարզապես օդաչու չէր. «Նա երիտասարդ ավիատոր էր՝ մեգա գիտելիքներով և մեծ տաղանդներով։ Գերազանց հաղորդակցվող լինելով՝ նա դարձավ օդուժի բարեփոխման շարժիչ ուժը, բազմաթիվ նախագծերի մասնակից։ Նա երազում էր F-16-ի մասին՝ Ուկրաինայի երկնքում»։

Մայոր Վյաչեսլավ Մինկան ավելի քան 200 ժամ թռիչք էր ունեցել Ուկրաինա ռուսական լայնածավալ ներխուժման սկզբում: Նա բնութագրվում էր որպես փորձառու բրիգադի օդաչու, ով իր ծառայության զգալի մասը նվիրել է հրահանգչական գործին։

Մայոր Սերգեյ Պրոկազինն ավիացիայում ծառայել էր 24 տարի, մինչև 2022 թվականը նա ունեցել է ավելի քան 100 ժամ մարտական ​​թռիչք։