«Ունենք և՛ հացի խնդիր, և՛ թշնամու կողմից հայի առևանգում, և՛ հուսահատության տանող անորոշություն». Հասրաթյան

Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրում է․ «Եթե հանգամանքների բերումով պետական որևէ պաշտոն կորզածը կամ անհայտ աղբյուրից վարձատրվող հասարակական ակտիվիստը «հանուն երկրի բարօրության» իրեն իրավունք է վերապահում «ժողովրդի անունից» հրապարակավ «մատ թափ տալ» նույն այդ ժողովրդի վրա, ապա մեղավորը ոչ թե «մատ թափ տվողն» է, այլ նրան հանդուրժող օրվա իշխանությունը... Մեղավոր է, քանի որ նույն այդ իշխանությունն այդպիսիներին «լռեցնելու» համար նախ՝ պետք է անթերի կատարի իր վրա դրված պարտականությունը, իսկ ապա, անհրաժեշտության դեպքում, կիրառի նաև օրենքով նախատեսված համապատասխան գործիքակազմ...
Ավաղ, այսօր Արցախը հայտնվել է մի իրականությունում, որտեղ բացակայում է թե՜ մեկը, թե՜ մյուսը... Արդյունքում ունենք և՜ հացի խնդիր, և՜ թշնամու կողմից հայի առևանգում, և՜ հուսահատության տանող անորոշություն, և, վերջապես, այն ամեն ցավալին, ինչ այսօր ունենք...»: