«Որոշ փորձագետների պնդմամբ` հիմա էլ Հռոմի ստատուտի վավերացումը պետք է կասեցնի ադրբեջանական ագրեսիայի հնարավորությունը». Փաշոյան

Հրապարակախոս Կարպիս Փաշոյանը ֆեյսբուքյան իր էջում գրել է․ «Փաստորեն, որոշ փորձագետների պնդմամբ, հիմա էլ Հռոմի ստատուտի վավերացումը պետք է կասեցնի ադրբեջանական ագրեսիայի հնարավորությունը կամ էլ նվազեցնի էսկալացիայի ռիսկերը։ Ու էս հաստ ճակատներով մարդիկ ինքնավստահ դեմքի արտահայտությամբ գնում են հարցազրույցների, հավակնոտ կարծիքներ ու պնդումներ են ներկայացնում՝ հայ ժողովրդին շփոթելով ախոռում ապրող արարարածների հետ։ Եվ նրանք ունեն գայթակղիչ դիպլոմներ, մասնակցել են միջազգային թրեյնինգների, որոշներն էլ պաշտոններ են զբաղեցրել։
Անհրաժեշտ է այդ մարդկանց ստիպողաբար կամ էլ բռնությամբ նստեցնել սեղանի շուրջը ու տառերով կարդացնել Միշելի, Լավրովի և Բլինքենի հայտարարությունները, ինչպես առաջին դասարանցին կկարդար Այբբենարանը»։