Պապիկյանն ընդունել է անհետ կորած զինծառայողների ծնողներին

Պաշտպանության նախարար Սուրեն Պապիկյանն այսօր՝ սեպտեմբերի 1-ին, ընդունել է 44-օրյա պատերազմում անհետ կորած «Քիմիկների զորամասի» զինծառայողների ծնողներին։ Այդ մասին լրատվամիջոցների հետ զրույցում հայտնել է ծնողներից Կարինե Մանավազյանը։
Պապիկյանը խոստացել է արբանյակներ գործադրել տղաներին գտնելու համար, նաև կվերանայվի ԴՆԹ-ների հարցը․ «Ամեն դեպքում, մեծ ակնկալինքեր չունեինք իրենից, հիմա էլ չունենք»,- նշել է Մանավազյանը։

Հիշեցնենք՝ անհետ կորածների ծնողները օրեր շարունակ ակցիա են իրականացրել ՊՆ շենքի առաջ՝ պահանջելով ՊՆ նախարար Պապիկյանի հետ հանդիպում։ Վերջինն օրեր շարունակ հրաժարվել էր նրանց թեկուզ 5 րոպե ժամանակ տրամադրել և միայն երեկ երեկոյան որոշվել էր հաջորդ օրը ընդունել ծնողներին: