«Հայոց եկեղեցին հաստատում է, որ Արցախի ինքնորոշման իրավունքն ու դրա իրացումն անվիճարկելի և չի սակարկվում». Բագրատ Սրբազան

Ազատության հրապարակում ընթացող հանրահավաքի բեմից ելույթ ունենալով՝ Բագրատ եպիսկոպոս Գալստանյանը շեշտեց, որ այսօր բառացիորեն Արցախ աշխարհն իր փոքրով ու մեծով իր չծնված երեխայով փրկում է հայ ժողովրդի պատիվը և անունը՝ երբեք չփնտրելով խաչի թեթևությունն, այլ բոլորիս փոխարեն՝ մեր փոխարեն կրելով այդ խաչի ծանրությունն ու պատասխանատվությունը: «Աշխարհն իր երկակի չափանիշներով, անբարո բարոյականությամբ մեզ փորձում է համոզել և պարտադրել ստորացուցիչ և նվաստացուցիչ մուրացիկ խաղաղություն՝ վերածելով այն մի փոր հացի պատմության՝ փորձելով գողանալ մեզնից մեր ապրելու իրավունքը, կենսագրությունը, հիշողությունը, ինքնությունը, ժառանգությունը, մեր արյունը և մեր զոհաբերության պատմությունը, արդարության և ճշմարտության ձգտումը: Այո, հայոց եկեղեցին հաստատում է, որ Արցախի ինքնորոշման իրավունքն ու դրա իրացումը անվիճարկելի և չի սակարկվում»,- հայտարարեց Սրբազանը:

Ի պատասխան ժողովուրդը բացականչեց՝ այոոոո: