«Արցախում ստեղծված իրավիճակն աղետ է, այլ բնութագրում չունի». Գեղամ Ստեփանյան

ԱՀ ՄԻՊ Գեղամ Ստեփանյանի հայտարարությունը․ «265 օր շրջափակման մեջ ապրող հայը Արցախում ստանձնել և համառությամբ, իրեն բնորոշ կողահաստությամբ տանում է իր բաժին պատասխանատվությունը՝ միաժամակ ակնկալելով, որ նվիրական եռյակի մյուս հենասյուները ևս՝ Մայր հայրենիքն ու Սփյուռքը, հավատարիմ կմնան միասնականության երդմանը։
Ըստ այդմ՝ ուզում եմ խնդրել բոլոր֊բոլորին ամենօրյա հստակ և հասցեկան գործով աջակցել արցախահայությանը և տեր կանգնել նրա ճակատագրին:

6 օր է՝ Ստեփանակերտում մարդիկ հանապազօրյա հաց չեն կարողանում հայթհայթել, երեկ՝ սեպտեմբերի 1-ին, Արցախի 30 հազար երեխաները նոր ուսումնական տարին սկսել են թերսնված, հոգեբանական անորոշությունների մեջ: Միջազգային իմ գործընկերները հաճախ ինձ հարցնում են, թե միջազգային որ իրավունքներն են խախտվում շրջափակման հետևանքով: Սա միամիտ հարց է, Արցախում ստեղծված իրավիճակն աղետ է, այլ բնութագրում չունի», նշում է Ստեփանյանը։»։