«Դավաճանությունն ունի օր, տեղ, հասցե՝ 2022 թվական, հոկտեմբերի 6, Պրահա». Անդրանիկ Թևանյան

«Արցախը, պայքարելով, պահում է Հայաստանի գոյության իմաստը: Այն, ինչ հիմա տեղի է ունենում Արցախի հետ, կոնկրետ պետական դավաճանության հետևանք է, այդ դավաճանությունն ունի օր, տեղ, հասցե: 2022 թվական, հոկտեմբերի 6, Պրահա: Նիկոլ Փաշինյանը շատ կոնկրետ դավաճանական դրսևորում ցուցաբերել է հենց այդ ժամանակ, նա համաձայնել է Արցախը ճանաչել Ադրբեջանի մաս և դրա հետևանքով է, որ պաշարված է Արցախը և ցեղասպանության եզրին են կանգնած 120 հազար մեր հայրենակիցները: Նրա համար կա երկու տարբերակ՝ կամ Արցախն ու Հայաստանը չլինեն և ինքն իր կաշին փրկի, կամ հակառակը: Ինքը շատ լավ հասկանում է, որ դատվելու է Հայաստանի ու Արցախի անվտանգության համար սպառնալիք ներկայացնելու և պետական դավաճանության հոդվածով: Շատ լավ հասկանալով, որ պետք է դատվի՝ նա Հայաստանը դիտարկում է որպես թուրքական ազդեցության գոտի, քանի որ գիտի, որ միայն այդ դեպքում չի դատվելու»,-հանրահավաքի բեմից հայտարարեց Անդրանիկ Թևանյանը: