Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Մեկ շաբաթվա ընթացքում Հայաստանի զինված ուժերը 8 զոհ են ունեցել»․ Աբրահամյան

«Մեկ շաբաթվա ընթացքում Հայաստանի զինված ուժերը 8 զոհ են ունեցել»․ Աբրահամյան
320
Կիրակի, 03 սեպտեմբերի, 2023 թ., 11:36

ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրում է․ «Մեկ շաբաթվա ընթացքում Հայաստանի զինված ուժերը 8 զոհ են ունեցել՝ 3-ը մարտական, իսկ 5-ը՝ ոչ մարտական:
Մարտական զոհերի թեման այս պահին չեմ դիտարկում, որովհետև այս պահին էլ իրավիճակը լարված է, այն այլ վերլուծության հարց է:
Մեկ շաբաթվա մեջ, տարբեր հանգամանքներում՝ անվտանգության կանոնների խախտումից մինչև միջանձնային հարաբերությունների խնդիր, մեզ 5 կորուստ է բերել:
Ինձ չի բավարարում դասակ, վաշտ, գումարտակ օղակում խիստ նկատողությունների և պաշտոններից տարբեր հրամանատարների հեռացումները, որովհետև առանցքային խնդիրն այդ օղակում չէ:
Ոչ մարտական կորուստների թիվն աճում է, իսկ զուգահեռ իրականությունում իշխանությունը գեներալական պագոններ, աստղեր, պաշտոններ է բաժանում:
Իհարկե վերջնահաշվարկում գալիս ենք մի կետի, որտեղ եթե որպես պատերազմական ժամանակահատվածի գերագույն գլխավոր հրամանատար Փաշինյանն է, ապա այս ամենը, ցավոք, ամբողջովին բացատրելի է դառնում:
Ու անընդհատ աչքիս Նիկոլի վերջին մարզային ժամանցն է գալիս, որտեղ նրան անընդհատ զինվորականներ էին «չեստ տալով» դիմավորում և ճանապարհում. սա չի կանգնելու, անընդհատ փորձելու է ստորացնել բոլորին՝ զինվորականից մինչև իր մերձավոր թիմակից, մինչև ամեն ինչ կարժեզրկվի ու ավերակի կվերածվի:
Հետևանքը մարդկային ու տարածքային շարունակվող զոհերն են, ցավն ու տառապանքը, որոնք սրանց իշխանության ողջ ժամանակահատվածի ուղեկիցն են»։