Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Այնքան եք անգործության մատնվելու մինչև շրջափակման պայմաններում մի հատ էլ համաճարակ սկսվի». Արշակ Աբրահամյան

«Այնքան եք անգործության մատնվելու մինչև շրջափակման պայմաններում մի հատ էլ համաճարակ սկսվի». Արշակ Աբրահամյան
475
Կիրակի, 03 սեպտեմբերի, 2023 թ., 20:30

Արցախի «Արդարություն» կուսակցության ԵԿ նախագահ Արշակ Աբրահամյանը ֆեյսբուքյան իր էջում գրել է. «Անկեղծ ասեմ, որ ես այն մարդկանց դասին եմ պատկանում, որ գերադասում եմ մնալ սոված, քան թե առանց հիգիենայի պարագայի։ Եվ եթե վերջին մեկ շաբաթվա ընթացքում բացարձակ հաց չեմ կերել (փոխարենը սնվել եմ մակարոնով, կարտոֆիլով, հոնով, խաղողով և թզով), ապա հաստատ չեմ պատրաստվում այսպիսի բարձիթողի և ինքնահոսի մատնված պայմաններում նստել ու սպասել, թե երբ Արցախում կսկսվի համաճարակ (կամ կտարածվեն մաշկային հիվանդությունները)։
Այնպես չի, որ ռուսները չեն կարող ուղղաթիռի մեկ թռիչքով հիգիենայի պարագաներ բերել Արցախ…
Պատկան մարմիններ զբաղվեք այս հարցով։
Սա 21-րդ դարն է ոչ թե ստրկատիրական դարաշրջան, երբ ստրուկները մեկ պլանտացիայից մյուսն էին գնում լողանալու կամ կես օճառ գտնելու համար։
Թե՞ այնքան եք անգործության մատնվելու մինչև շրջափակման պայմաններում մի հատ էլ համաճարակ սկսվի և կիսասոված ու հյուծված մարդկանց շրջանում կայծակնային արագությամբ տարածվի»։

Աղբյուրը`   Արշակ Աբրահամյան