«Վաղը դատական առաջին նիստն է»․ Արսեն Բաբայան

Փաստաբան Արսեն Բաբայանի ֆեյսբուքյան գրառումը. «Հարգելի լրագրողներ, վաղը՝ սեպտեմբերի 4-ին, ժամը 11:00-ին դատարանի Թալինի նստավայրում սկսվում է ՔՊ-ական մեղադրյալ, Թալինում իշխանական պաշտոն զբաղեցնող Սուրո Թորոսյանի (նկարում՝ շրջանակի մեջ) վերաբերյալ քրեական գործի դատական առաջին նիստը։ Հիշեցնեմ, որ ՔՊ-ականը մեղադրվում է Ազատավան համայնքի բնակչի գլխին փայտով հարվածելու համար, որի հետևանքով տուժողը ստացել է մարմնական վնասվածքներ։
Այս գործի մասին բազմաթիվ հրապարակումներ եմ արել, մասնավորապես ցույց եմ տվել, որ նախաքննության մարմինը և դատախազությունը հետևողականորեն ամեն բան արել են, որպեսզի ՔՊ-ական Սուրեն Թորոսյանը չենթարկվի քրեական պատասխանատվության։ Այդ մասին օրեր առաջ հանցագործության մասին հաղորդում եմ ուղարկել ՀՀ հակակոռուպցիոն կոմիտե։
Դատական նիստը դռնբաց է, լրագրողները կարող են մասնակցել և լուսաբանել։
Սույն գործով հանդես եմ գալիս որպես տուժողի փաստաբան»։