«Մնում էր փողի համար Հայաստանից գնան ռուս-ուկրաինական մսաղաց». Սարգիս Հովսեփյան

Գրող Սարգիս Հովսեփյանը ֆեյսբուքյան իր էջում գրել է. «Ուրեմն բրիտանական հետախուզությունը լուր ա տարածել, որ ռուսները օնլայն գովազդ են անում Հայաստանից /ոչ միայն/ վարձկաններ հավաքագրելու համար։ Մարդիկ կան, արդեն հանդիպել են էդ գովազդներին։
Նախ Հայաստանի Հանրապետությունում վարձկանությունը քրեորեն պատժելի ա։
Եվ կարծում եմ՝ պիտի հնարավորինս արագ խստացվի վարձկանության պատիժները, ավելին ուղեկցվի գույքի բռնագանձմամբ կամ մեծ տուգանքով, որպեսզի իմաստազրկվի դրսում նման կերպ գումար աշխատելը։ Եվ լավ կլինի լայնորեն իրազեկման ակցիաներ լինեն վարձկանության քրեական հանցագործություն լինելու մասին։
Մնում էր փողի համար Հայաստանից գնան ռուս-ուկրաինական մսաղաց։
Քրեական հոդվածը ներքևում, քոմենտներում բիրտանական հետախուզության պոստը։
Հոդված 395.Վարձկանությունը
1. Վարձկան հավաքագրելը, ուսուցանելը, ֆինանսավորելը կամ այլ ձևով նյութապես ապահովելը, ինչպես նաև զինված ընդհարումներում կամ ռազմական գործողություններում նրան օգտագործելը՝պատժվում են ազատազրկմամբ՝ հինգից տասը տարի ժամկետով:
2. Սույն հոդվածի առաջին մասով նախատեսված արարքները, որոնք կատարվել են՝ 1) պաշտոնեական դիրքն օգտագործելով, 2) ակնհայտ անչափահասին ներգրավելով՝պատժվում են ազատազրկմամբ՝ յոթից տասներկու տարի ժամկետով:
3. Վարձկանի մասնակցությունը զինված ընդհարումներին կամ ռազմական գործողություններին՝պատժվում է ազատազրկմամբ՝ երեքից յոթ տարի ժամկետով:
4. Վարձկան է համարվում հատուկ հավաքագրված անձը, ով գործում է նյութական հատուցում ստանալու նպատակով և զինված ընդհարմանը կամ ռազմական գործողություններին մասնակցող պետության քաղաքացի չէ, մշտապես չի բնակվում դրա տարածքում, ընդգրկված չէ ընդհարման մեջ գտնվող պետության զինված ուժերի անձնակազմում և այլ պետության կողմից ուղարկված չէ զինված ուժերի կազմում պաշտոնեական պարտականություններ կատարելու համար»: