Երկուշաբթի, 23 փետրվարի, 2026 թ.
|
Ստեփանակերտում`   +6 °C

31-ամյա կալանավորը ինքնասպանություն է գործել

31-ամյա կալանավորը ինքնասպանություն է գործել
311
Երկուշաբթի, 04 սեպտեմբերի, 2023 թ., 18:06

Սեպտեմբերի 2-ին «Արմավիր» քրեակատարողական հիմնարկում՝ կալանավորված անձ 31-ամյա Գևորգ Գ-ն ինքնասպանություն է գործել՝ կախվելով ճաղավանդակից:

Լրագրողների հետ զրույցում քրեակատարողական ծառայության հանրային կապերի բաժնի պետ Նոնա Նավիկյանը հաստատել է տեղեկությունը: «Սեպտեմբերի 2-ին, ժամը 12.42-ին ՀՀ ԱՆ «Արմավիր» քրեակատարողական հիմնարկում՝ կալանավորված անձ 31-ամյա Գ.Գ-ն ինքնասպանություն է գործել՝ կախվելով ճաղավանդակից:
Գ.Գ-ին իր դիմումի համաձայն մեկուսի է պահվել կարանտինային խցում:
Նշենք, որ կալանավորված անձն առողջական խնդիրների պատճառով ստացիոնար բուժման մեջ է գտնվել ՀՀ ԱՆ «Դատապարտյալների հիվանդանոց» քրեակատարողական հիմնարկում, որտեղից իր դիմումի համաձայն՝ դուրս է գրվել 2023 թվականի սեպտեմբերի 1-ին և տեղափոխվել ՀՀ ԱՆ «Արմավիր» քրեակատարողական հիմնարկ:
Նախնական տվյալներով կալանավորված անձը 2023թ. սեպտեմբերի 2-ին՝ ժամը 12-ի սահմաններում ցանկություն է հայտնել օգտվել իրեն հասանելի հեռախոսազանգից: Ժամը 12.12-ին վերջինս դուրս է բերվել խցից, կատարել է հեռախոսազանգ, ժամը 12.15-ին վերադարձել է խուց, որից հետո նրան հայտնաբերել են կախված վիճակում:
Դեպքի առթիվ ՀՀ ՔԿ Արմավիրի մարզային քննչական վարչության Վաղարշապատի քննչական բաժնում նախապատրաստվում են նյութեր»,- ասել է Նավիկյանը: