Երեքշաբթի, 21 ապրիլի, 2026 թ.
|
Ստեփանակերտում`   +6 °C

«Մաշկային հիվանդությունների և ոջիլի տարածման վտանգը պետք է րոպե առաջ կանխվի». Արշակ Աբրահամյան

«Մաշկային հիվանդությունների և ոջիլի տարածման վտանգը պետք է րոպե առաջ կանխվի». Արշակ Աբրահամյան
409
Երեքշաբթի, 05 սեպտեմբերի, 2023 թ., 09:48

Արցախի «Արդարություն» կուսակցության ԵԿ նախագահ Արշակ Աբրահամյանը ֆեյսբուքյան իր էջում գրել է. «Հրատապ կերպով դեպի Արցախ պետք է ուղարկվի լայն սպառման համար նախատեսված հիգիենայի պարագաներով բեռ (թեկուզ գոնե 1 ուղղաթիռ), այլապես հետևանքները շատ խնդրահարույց են լինելու։
Խնդրում եմ բոլոր պատկան մարմիններին և կարող ուժերին անհապահ իրենց ձեռքի տակ եղած գործիքակազմը օգտագործեն և հնարավորինս արագ կազմակերպեն այդ ամենը։
Իմ կարծիքով համաճարակի վտանգը ավելի մտահոգիչ է, քան թե ալյուրը։ Եթե առանց հացի հնարավոր է դիմանալ, ապա, մանավանդ դասապրոցեսների մեկնարկի հետ պայմանավորված սանիտարահիգիենիկ իրավիճակի վերահսկողությունը և անձնական հիգիենայի պարագաների բացակայության հետևանքով հնարավոր դարձող մաշկային հիվանդությունների և ոջիլի տարածման վտանգը պետք է րոպե առաջ կանխվի։
Ադրբեջանը ոչ միայն Արցախը մատնել է սովի, այլ նաև համաճարակի վտանգի առջև է կանգնեցրել 120000 մարդու։
Բոլոր միջազգային մարդասիրական և իրավապաշտպան կազմակերպությունները իրենց հայացքը պետք է ուղղեն դեպի Արցախ և ռեալ քայլեր ձեռնարկեն ադրբեջանի ցեղասպան քաղաքականության զոհ դարձած արցախահայությանը վերահաս վտանգներից փրկելու և ադրբեջանին սանձելու ուղղությամբ»:

Աղբյուրը`   Արշակ Աբրահամյան