«Դուք կարող եք թքել, իսկ Ձեզ վրա ջուր չեն կարո՞ղ լցնել». լրագրողը` Ալեն Սիմոնյանին

Ինչպես արդեն հայտնել ենք, քիչ առաջ Երևանի բակերից մեկում քաղաքացին ջուր շփեց ՔՊ-ի քարոզարշավ իրականացնող ԱԺ նախագահի ուղղությամբ: Ականատես լրագրողի դիտարկմանը, որ այդկերպ քաղաքացին իր դիրքորոշումն է արտահայտում, զայրացած Սիմոնյանը վրա բերեց. «Քաղաքացին իր դիրքորոշումը չի հայտնում, քաղաքացին իրեն լկտի ա պահում: Դիրքորոշումն արտահայտում եմ ես, օրինակ»:

Լրագրողի հակադարձմանը, թե քաղաքացու վրա կարելի է թքել, քաղաքացուն չի՞ կարելի ջուր լցնել, Ալեն Սիմոնյանը պատասխանեց. «Ես կարող եմ անել էն, ինչ որ իմ բարոյական նորմերը թույլ են տալիս և եթե սխալ եմ անում, կարող եմ ներողություն խնդրել: Հեռու մնացեք»: