«Նեղացել է, որ իր դեմքին իր մասին ճիշտն ասացին, ու հիմա Պուտինը կտեսնի իրա հալը». Վահրամ Մարտիրոսյան

Գործարար Վահրամ Մարտիրոսյանը ֆեյսբուքյան իր էջում գրել է. «Դիվանագիտության մեջ հնարավոր օգուտից ոչ պակաս կարևոր է հնարավոր վնասի հասկացությունը։ Օրինակ, Իսրայելն Ուկրաինայի հետ չի համագործակցում ոչ թե նրա համար, որ Ռուսաստանից տնտեսական կամ այլ օգուտ ունի, այլ չի համագործակցում նրա համար, որովհետև Ռուսաստանից հնարավոր մեծ վնաս կարող է ստանալ։
Հավատացեք ռուսների մեզ վնաս տալու գործիքակազմը շատ ավելի մեծ է, քան Իսրայելին վնաս հասցնելու հնարավորությունները։ Սրանց ամեն քայլից ուղղակի անպատասխանատվություն է թափվում։
Այս առանց այն էլ սեփական մարտահրավերներից գերծանրաբեռնված իրավիճակում իմաստը ո՞րն է մի հատ էլ մտնել Արևմուտք-Ռուսաստան հակամարտության տակ։
Վրացիները, հրեաները, արաբները, թուրքերը ամեն գնով փորձում են խուսանավել մեկի կողմը բռնելուց, բայց այ մեր հզոր վարչապետը նեղացել է, որ իր դեմքին իր մասին ճիշտն ասեցին ու հիմա Պուտինը կտեսնի իրա հալը։ Մարդ այսքան էլ ինֆանտիլ լինի։
Իսկ մեր տեղական ռուսաֆոբերը իրականում ամենամեծ ռուսամետներն են։ Միայն ռուսամետը կարող է Արցախի ապաշրջափակումը պահանջի հենց Ռուսաստանից»։