Բայրամովը հայտարարել է Զանգեզուրի միջանցքի պլան Բ-ի մասին

Ադրբեջանի արտգործնախարար Ջեյհուն Բայրամովը Հունգարիա կատարած պաշտոնական այցի ժամանակ տված հարցազրույցում հայտարարել է, որ Հայաստանի դիրքորոշումը Զանգեզուրի միջանցքի բացման հարցում ապակառուցողական է, և որ «Երևանը վտանգում է կորցնել իր տնտեսությունը բարելավելու հնարավորությունը»:
Բայրամովն ընդգծել է, որ 2020 և 2021 թվականների եռակողմ հայտարարություններն սկիզբ դրեցին աշխատանքային խմբի ստեղծմանը, որը ներառում է Ադրբեջանի, Ռուսաստանի և Հայաստանի ներկայացուցիչներին։

«Խմբի աշխատանքը շարունակվել է մոտ երեք տարի։ Այնուամենայնիվ, չնայած շարունակվող ջանքերին, Երևանը շարունակում է նոր պայմաններ պարտադրել, ինչը խոչընդոտներ է ստեղծում ծրագրի առաջընթացի համար: Ինչ-որ պահի այնպիսի զգացողություն էր ստեղծվում, որ մենք մոտ ենք գործի ավարտին, երբ հանկարծ, վերջին պահին, Հայաստանը հանկարծ նոր բան է առաջ քաշում, ինչը նորից գործընթացը տանում է փակուղի,- ասել է Բայրամովը։-

«Սա կառուցողական չէ (…) և խախտում է եռակողմ հայտարարության համապատասխան կետը, ըստ որի Հայաստանը պարտավորություն է ստանձնել երաշխավորելու ապրանքների, քաղաքացիների և տրանսպորտային միջոցների անխոչընդոտ տեղաշարժը։ Այն (Հայաստանը - խմբ.) իրեն զրկվում է օգուտներից, թեև բոլոր երկրներից հենց նրան է պետք բարելավել իր տնտեսական վիճակը և դուրս գալ մեկուսացումից»,- ասել է Ադրբեջանի արտգործնախարարը։

Բայրամովն ասել է, որ Ադրբեջանը պատրաստ է դիտարկել պլան Բ, նույնիսկ եթե դա ենթադրում է նախագիծն իրականացնել առանց Հայաստանի մասնակցության։