Ռուսաստանը պայմանավորվել է Թուրքիայի հետ

ՌԴ ԱԳՆ-ն հայտարարեց, որ թուրքական իշխանությունների հետ սկզբունքային համաձայնություն է ձեռք բերել՝ որպես հացահատիկի գործարքին այլընտրանք՝ մեկ միլիոն տոննա հացահատիկի մատակարարման շուրջ։ Տեխնիկական մանրամասները կհայտարարվեն շուտով։

«Բոլոր սկզբունքային պայմանավորվածությունները ձեռք են բերվել։ Մենք ակնկալում ենք, որ մոտ ապագայում մենք արդեն աշխատանքային շփումների մեջ ենք մտնելու բոլոր կողմերի հետ՝ նման մատակարարումների սխեմայի բոլոր տեխնիկական ասպեկտները մշակելու համար»,- լրագրողներին ասել է ՌԴ փոխարտգործնախարար Ալեքսանդր Գրուշկոն։

Նրա խոսքով՝ այժմ Ռուսաստանն ու Թուրքիան կքննարկեն առաքման մանրամասները՝ ներառյալ նյութատեխնիկական ապահովումը, երթուղիները, նպատակակետ երկրներն ու դրանց թիվը, ինչպես նաև ֆինանսական հարցեր։