Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Եկել է ժամանակը վերջ դնելու թյուրքական աշխարհի արհեստական բաժանումներին». Էրդողան

«Եկել է ժամանակը վերջ դնելու թյուրքական աշխարհի արհեստական բաժանումներին». Էրդողան
391
Ուրբաթ, 15 սեպտեմբերի, 2023 թ., 19:24

Թյուրքական աշխարհը զարթոնքի ու վերածննդի նոր փուլ է ապրում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը 10-րդ Համաշխարհային թյուրքական բիզնես ասամբլեայում ունեցած ելույթի ժամանակ։
Նա նշել է, որ թյուրքական աշխարհն այսօր ունի նոր տեսլական և հզոր ներուժ։

Ըստ Էրդողանի, Թյուրքական պետությունների կազմակերպության երկրները պետք է մեծացնեն համագործակցությունը ոչ միայն կազմակերպության ներսում, այլ նաև սփյուռքի մակարդակում՝ ընդհանուր շահերը պաշտպանելու համար։

Նա վստահություն է հայտնել, որ համախմբվելով՝ թյուրքական համայնքը կկարողանա հասնել ցանկալի արդյունքների համաշխարհային պատմության նոր դարաշրջանում։

«Հանգուցյալ Իսմայիլ Գասպիրալայի «լեզվի, մտքի և գործողությունների միասնության» գաղափարը անհնարին երազանք չէ։ Ե՛վ անցյալում, և՛ այսօր, մեր միասնության և ամբողջականության պահպանումն ու ամրապնդումն այն է, ինչ մեզ ամենաշատն է պետք։ Եկել է ժամանակը վերջ դնելու հարյուրավոր տարիների բաժանմանը, տագնապին, տառապանքին և արհեստական ​​բաժանումներին»,- ասել է Էրդողանը։