«Ինչի՞ մետրոն չի աշխատում, բացատրություն տվե՛ք»․ քաղաքացիները՝ աշխատակիցներին

«Ինչի՞ մետրոն չի աշխատում, բացատրություն տվե՛ք»,- դիմելով մետրոպոլիտենի աշխատակցուհուն՝ ասացին ուղևորները։ «Չկա տենց բան, որ չի աշխատում, սաստավը էս մի գծով չի աշխատում, մյուս գծով աշխատում է»,- արձագանքեց նա։

Երևանի մետրոպոլիտենը ֆեյսբուքյան էջում հայտնում է, որ ժամը 08:15-ի դրությամբ տեղի է ունեցել գնացքի տեխնիկական խափանում «Սասունցի Դավիթ» կայարանից
«Գործարանային» կայարան ուղեհատվածում։
Ժամը 08:50-ի դրությամբ Երևանի մետրոպոլիտենն անցել է մի գծանի-երկկողմանի երթևեկության։
Այսինքն ուղևորները «Գարեգին Նժդեհ» կայարանից ուղևորվում են դեպի «Սասունցի Դավիթ» կայարան, իջնում «Սասունցի Դավիթ» կայարանում, ապա նույն գծով շարունակում երթևեկությունը դեպի «Բարեկամություն» կայարան։
Իսկ «Բարեկամություն» կայարանից ուղևորները ուղևորվում են դեպի «Սասունցի Դավիթ» կայարան, այնուհետ իջնում գնացքից և տեղափոխվում են մյուս գիծ՝ «Գարեգին Նժդեհ» կայարան հասնելու համար։