«Ալիևը պահանջում է 8 գյուղ, մենք էլ ենք պահանջում 8 գյուղ». Փաշինյան

«Ալիևը Շառլ Միշելի հետ զրույցում Հայաստանից պահանջեց 8 գյուղ: Որքանով է այս պահանջը տեղավորվում բանակցային գտրամաբանության մեջ»,- հարցազրույցի ժամանակ Փաշինյանին հարց հղեց Պետրոս Ղազարյանը: Ես կուզեի, որ մենք ընդհանուր համատեքստը պատկերացնենք: Իսկ ինչու Ադրբեջանը չեկավ և չստորագրեց: Որոնք են վարկածները: Ադրբեջանի հրապարակային բացատրությունն այն է, որ Ֆրանսիայի դիրքորոշման հետ խնդիր ունեն: Երկրորդ մեկնաբանությունն այն է, որ այնուամենայնիվ, Ադրբեջանը փորձում է այնպես անել, որ խաղաղությունը տեղի չունենա: Օրինակ, մի շարք թեմաներ կան, որ նրանք կարող է օգտագործեն հետագա սրացումների և էսկալացիաների համար: Այս է պատճառը, որ մենք ընդհանուր ոչ մի թեմայի չպետք է ցուցաբերենք էմոցիոնալ մոտեցում:

Հիմա տեսեք, Ադրբեջանը բարձրացնում է 8 գյուղերի հարց: Նախ մենք էլ մեր հերթին ասում ենք, որ մենք էլ 8 գյուղերի խնդիր ունենք, որովհետև նուն Տավուշի մարզում, օրինակ, մենք ունենք Ադրբեջանի կողմից օկուպացված տարածքներ՝ Բերքաբեր, Այգեհովիտ, Վազաշեն, Պառավաքար գյուղերում և այլ տարածքներում: Մենք այդ հարցի լուծումն առաջարկել ենք դեռևս 2021 թվականին և ասել ենք, որ եկեք հիմք վերցնենք, որոշենք, թե որն է դելիմիտացիայի քարտեզը և այդ քարտեզի սահմանագծից զորքերը հայելային հետ քաշենք»,- պատասխանեց Փաշինյանը: