«Գազան կվերածվի զանգվածային գերեզմանոցի, եթե օգնությունն ուշանա». Սալամե Մարուֆ

Գազայի կառավարության մամուլի գրասենյակի ղեկավար Սալամե Մարուֆը նախազգուշացրել է, որ շրջանը կարող է վերածվել զանգվածային գերեզմանոցի, եթե Իսրայելի շրջափակման և հարձակումների տակ գտնվող Գազայի օգնության կոչերի պատասխանը հետաձգվի:

«Գազայի հատվածում իրավիճակը հումանիտար տեսանկյունից վտանգավոր շրջադարձ է ստացել։ Էլեկտրաէներգիայի և ջրի մատակարարման ամբողջական դադարեցմամբ տարածաշրջանում ծառայություններն ու կենցաղային պայմանները լրջորեն վատթարանում են»,- Anadolu գործակալությանը ասել է Մարուֆը:

Նրա խոսքով՝ Իսրայելը փորձում է «ամբողջությամբ քանդել բնակավայրերը և բռնի տեղահանել հարյուր հազարավոր մարդկանց իրենց տներից, ինչպես նաև ոչնչացնել ամբողջ ընտանիքներ՝ ավերելով նրանց տները։

«Հարձակումները հանգեցրել են կոտորածների և մեծ թվով զոհերի, ինչին դիահերձարանները պատրաստ չեմ, և վիրավորների, որոնցով լի են հիվանդանոցների բոլոր մահճակալները, վիրահատարանները և վերակենդանացման բաժանմունքները: Սա Գազան վերածում է աղետի գոտու, որը ենթարկվում է ցեղասպանության և ջարդերի»,- հավելել է նա:

Մարուֆը խնդրել է չուշացնել օգնությունը։ «Օգնության կոչերին արձագանքելու ձգձգումը Գազան կվերածի զանգվածային գերեզմանոցի, որտեղ վրա է հասնում հարձակումների, ավերածությունների, սովի, խմելու ջրի բացակայության կամ վարակիչ հիվանդությունների տարածման պատճառով»,- հավելել է նա։

Պաղեստինի առողջապահության նախարար Մեյ ալ Քեյլն էլ նախազգուշացրել է, որ Գազայի հատվածի առողջապահական համակարգը կարող է փլուզվել Իսրայելի ռմբակոծության հետևանքով և անհապաղ օգնություն է խնդրել:

Ինչպես գրել է TRT-ն, ՄԱԿ-ը դատապարտել է Գազայի հատվածը շրջափակելու Իսրայելի որոշումը՝ ասելով, որ նման միջոցները «կոլեկտիվ պատիժ են», որը կհանգեցնի քաղաքացիական զոհերի։ ՄԱԿ-ը գնահատում է, որ Գազայի հատվածին հումանիտար աղետ է սպասվում, եթե շուտով չբացվեն օգնություն տրամադրելու անվտանգ միջանցքները։