«Միաբանվենք հանուն Երևանի ու երևանցու». Նավասարդ արքեպիսկոպոս Կճոյան

Նորընտիր քաղաքապետ Տիգրան Ավինյանի երդմնակալության արարողությանը օրհնության խոսք ասաց Նավասարդ արքեպիսկոպոս Կճոյանը. «Մաղթում ենք առավելագույն կորով ու բարեջանություն՝ ձեզ բաժին ընկած ծանր լուծը քաղցրությամբ ու սիրով կրելու համար: Թող բարձրյալ Աստծո աջը հովանի լինի ձեզ ու Սուրբ Սարգսի արագահաս բարեխոսությունը տոգորի ձեզ՝ ձեր առաքելությունն անմնացորդ նվիրումով իրագործելու համար: Միաբանվենք հանուն Երևանի ու երևանցու. այս կարգախոսով գործենք ի շահ քաղաքամայր Երևանի ու սիրելի երևանցիների»,- ասաց նա: