«Ալիևը գտնվում էր իր համար ՕՏԱՐ տարածքում». Արմեն Դարբինյան

Հայ-Ռուսական համալսարանի նախկին ռեկտոր Արմեն Դարբինյանի գրառումը. «Ինչպես և կանխատեսում էի, Ալիևի հայտնությունը հայաթափված Ստեփանակերտում, նրա զարմացած և ***վորած տեսքը՝ երբ զննում էր Արցախի Հանրապետության պետական շինություններն ու պատշկամբից դիտարկում նորակառույց գեղեցիկ ավանը, անցյալում արտասանած լոպազ ու խրոխտ տեքստերի համեմատ անչափ անվստահ բարբաջանքը առերևույթ ապացույցն էին մեկ բանի. նա գտնվում էր իր համար ՕՏԱՐ տարածքում:
Մեր խնդիրն է նրա և նրա հետևորդների, նաև դաշնակիցների մեջ ամեն կերպ ամրապնդել օտարության այդ զգացումը, այն չի կարող վերանալ ադրբեջանցիներին այդ տարածքում մեխանիկորեն բնակեցմամբ: Հայ Մշակույթը ականապատել է այդ տարածքը, և դրա դեմ որևէ փաստարկ չկա:
Պետությունը և Ազգային Էլիտան (չասեք, որ չկա. այն կա թեկուզև նրանց համար, ովքեր սեփական գոյությունը պայմանավորում են ՀԱՅ լինելով) պարտավոր են օգտագործել Մշակույթի կողմից հերթական անգամ մեզ պարզած այս փրկօղակը:
Մնում է ընդամենը Խելոք լինենք և Բա՛րձր մնանք»: