Մարդասիրական օգնության առաջին բեռնատարները Գազա կմտնեն Ռաֆահ անցակետով. մուտքը կհսկի Գուտերեշը

Գազայի հատվածի բնակչության համար մարդասիրական օգնություն տեղափոխող առաջին 20 բեռնատարները հոկտեմբերի 20-ին կանցնեն Եգիպտոսի սահմանային հատվածում գտնվող Ռաֆահ անցակետով։

Ըստ Եգիպտոսի անվտանգության բարձրաստիճան պաշտոնյայի, ՄԱԿ-ի գլխավոր քարտուղարը վաղը կժամանի Ռաֆահ՝ վերահսկելու մարդասիրական օգնություն տեղափոխող 20 բեռնատարների մուտքը Գազայի հատված:

Ավելի վաղ Բենիամին Նեթանյահուի գրասենյակը հայտնել էր, որ Իսրայելը չի միջամտի Եգիպտոսից Գազայի հատվածի խաղաղ բնակչությանը մարդասիրական օգնության մատակարարմանը։ Իսրայելական կողմը բացատրել է, որ այս որոշումը կայացվել է ԱՄՆ նախագահ Ջո Բայդենի պահանջներից հետո։