«Մի խաղացեք ամեն ինչ կորցրած ու գերլարված արցախցիների հոգեվիճակի հետ». Նանար Պողոսյան

Արցախցի իրավաբան, գրող Նանար Պողոսյանը ֆեյսբուքյան իր էջում գրում է․ ««Քոչարյանական արցախցի», «Նիկոլական արցախցի»... Լուրջ չե՞ք ամաչում:
Հիմա արցախցու դարդը դո՞ւք եք, չեմ հասկանում, այ պրովոկատորներ: Արցախցի ժողովուրդը զտարյուն է, ձեզ պես ուղղորդված էս մեկի-էն մեկի շունիկներից չէ:
Ամոթ ձեզ, մի խաղացեք ամեն ինչ կորցրած ու գերլարված արցախցիների հոգեվիճակի հետ: Երբ Աստված չանի իրենց տեղում հայտնվեք, էդ վախտ ձեզ իրավունք կվերապահեք բերաններդ բացել:
Ինչքան թունավոր է էստեղի մեդիա դաշտը, ամոթ, հետո ասում են ինչու հարցազրույց չես տալիս:
Ո՞ւմ տամ հարցազրույց, ինչի համար, որ մեկ ա ձեր օգտին եք ֆռացնելու, կտրելու, դզելու, փչելու, մարդուն ուզեք՝ սևացնելու, ուզեք՝ արդարացնելու, իհարկե՝ ոչ բոլորը, այլ մեծամասամբ:
Հազար ամոթ:

Սթափ եղեք սիրելի Արցախցիներ, յուրաքանչյուր բառում զգույշ, հարցազրույցներ տվեք միայն այն լրագրողներին, ում անձամբ ճանաչում եք, ում արժեհամակարգին վստահ եք, ով ձեզ չի մրոտի իր շահի համար:
Սա Արցախը չէ, որ բոլորը իրար ճանաչեն, իրար հարգեն, զերծ մնացեք ուղղորդված լրատվամիջոցներից, աչքիս էստեղ յուրաքանչյուր թիմ իր լրատվամիջոցն ունի, իսկ թիմերն էնքան շատ են:
Հիշե՛ք, ձեր յուրաքանչյուր խոսք ձեր դեմ են ուղղում:
Ես, օրինակ, իմ եկած օրվանից մինչ այսօր մերժել եմ բազմաթիվ հարցազրույցներ, զուտ էն պատճառով, որ մոտս սթրեսային վիճակ է և ես չեմ կարող էս հոգեվիճակով հարցազրույց տալ ու շատերը հասկացել են ինձ:
Մի խոսքով...
Թե իրենք Երևանում նստած, ոնց են արցախցիներին անուն կպցնում, դա է զարմանալին, սրբություն ունեցեք և ձեր արշինով մի չափեք, գուցե դուք միշտ եղել եք ինչ որ մեկական, բայց արցախցին թասիբով է, զտարյուն նա ձեզ պես ոչ մեկից չի հարցնում իր կարծիքն արտահայտելու համար, նա տեսնում է՝ ինչ է կատարվում, էդ դուք չպիտի նրանց անուն կպցնեք պրովոկատորներ «ջան»»։