Երթևեկության անվտանգությունն ապահովելու նպատակով ԼՂ-ում տեղադրվել է 10 հենակետ. ՌԴ ՊՆ

Ռուսական խաղաղապահ զորախումբը շարունակում է խնդիրների կատարումը Ղարաբաղի տարածքում։ Այս մասին տեղեկանում ենք Ռուսաստանի Պաշտպանության նախարարության տարածած հաղորդագրությունից:

«Պահպանվում է Բաքվի հետ շարունակական փոխգործակցությունն՝ ուղղված արյունահեղություն թույլ չտալուն, անվտանգության ապահովմանը և խաղաղ բնակչության նկատմամբ մարդասիրական իրավունքի նորմերի պահպանմանը:

Ռուսական խաղաղապահ զորախմբի պատասխանատվության գոտում հրադադարի ռեժիմի խախտումներ չեն արձանագրվել:

Ընդհանուր առմամբ, 2023թ.սեպտեմբերի 19-ից Ասկերանի, Մարտակերտի, Մարտունու և Շուշիի շրջաններում ռուս խաղաղապահների ութ դիտակետ և 16 ժամանակավոր դիտակետ է կազմալուծվել:

Երթևեկության անվտանգությունն ապահովելու նպատակով ճանապարհային ուղղություններով տեղադրվել է 10 հենակետ, այդ թվում 5-ը՝ ադրբեջանական կողմի հետ համատեղ:

Ռուս խաղաղապահների մասնակցությամբ շարունակվում են Ղարաբաղի բնակավայրերի էլեկտրա և գազամատակարարման վերականգնման աշխատանքները»,-ասված է ՌԴ ՊՆ տեղեկագրում: