Կիրակի, 16 օգոստոսի, 2026 թ.
|
Ստեփանակերտում`   +20 °C

«Սկսվել(ու) է Արցախի ֆինանսների համար անհաշտ պայքարը». Կարեն Հեքիմյան

«Սկսվել(ու) է Արցախի ֆինանսների համար անհաշտ պայքարը». Կարեն Հեքիմյան
909
Երկուշաբթի, 23 հոկտեմբերի, 2023 թ., 01:06

Պահպանողական կուսակցության նախագահ Կարեն Հեքիմյանի ֆեյսբուքյան գրառումը. «Գոնե այս փուլում օկուպացված Արցախի համար պայքարը սառեցված է:
Այս օրերին սկսվել(ու) է Արցախի ֆինանսների համար անհաշտ պայքարը: «Արցախի ֆինանսներ»-ը բաղկացած են՝
1. Բանկային և այլ եղանակներով Արցախից Հայաստան ու այլ պետություններ տեղափոխված ֆինանսներից,
2. Այլ պետություններից և միջազգային կազմակերպություններից արցախահայության համար նախատեսված օգնության գերակշիռ մաս կազմող ֆինանսներից:
Ո՞վ պետք է տնօրինի և բաշխի այդ հսկայական ֆինանսական միջոցները:
Տրամաբանական է, որ արցախյան ֆինանսների զգալի մասը «հանգրվանելու է» Հայաստանում: Պարզ է նաև, որ ՀՀ իշխանությունները մեծ ցանկություն կունենան տնօրինել և բաշխել արցախյան ֆինանսական հոսքերը: Սակայն, առերևույթ արդարություն պահպանելու խնդիր կա: Այդ իմաստով, ՀՀ իշխանությունները պետք է ստեղծեն ինչ-որ կառույց, որը կզբաղվի արցախյան ֆինանսների կառավարմամբ: Առավել վստահության համար, այդ կառույցը պետք է արցախահայ ղեկավարի:
Այժմ Հայաստանում թափ առնող «Արցախի համար» պայքարն այս հարթության մեջ է: Մնացածը՝ պարզունակ ձեռնածություն է (մանիպուլյացիա)»։

Աղբյուրը`   Կարեն Հեքիմյան

Կարդացե՛ք նաև