«Հայրենակիցներ, իսկապես ափսոսում եմ ձեր քրտինքով աշխատած գումարները». Սամվել Մարտիրոսյան

Տեղեկատվական անվտանգության փորձագետ Սամվել Մարտիրոսյանը հայտնում է․ «Հայրենակիցներ, իսկապես ափսոսում եմ ձեր քրտինքով աշխատած գումարները։ Դադարեք փող ներդնել ինչ-որ հեծանիվ վաճառող, տեսանյութ նայելու դիմաց վճարող, կրիպտոյով ձեր փողերով վայրկյանը տաս անգամ առք/վաճառք անողների մեջ։ Թեկուզ, որ հայերեն են խոսում։ Եթե ձեր ներդրումը բերում է ՏԱՐԵԿԱՆ 15-30% շատ գումար, դուք պետք է քսան անգամ հետազոտեք, նոր փող ներդնեք։ Եթե ձեզնից առաջ արդեն մի քանի ծանոթ ներդրել ա ու փող ա ստացել, դա բացարձակ ոչինչ չի նշանակում։ Ֆինանսական բուրգը հենց տենց է աշխատում։ Մի գրեք ինձ ինչ-որ «Թելեգրամում» կրիպտոյով 10 հազար դրամի դիմաց մեկ միլիոն վերադարձնողի։ Ինչ-որ սիթիբայքի մասին։ Պարզապես միացրեք գլուխը ու հասկացեք, որ տենց տոկոսներ չեն լինում օրենքի սահմաններում լրիվ անծանոթների հետ։ Կամայական տեղ փող ներդնելուց առաջ մի լավ ուսումնասիրեք, հետո քցվեք մեջը։ Եթե ավելի մանրամասն եք ուզում, մեկնաբանություններում կտեղադրեմ տեսանյութերը։