«Բավական չէր Արցախի անարդարությունները, նույնն էլ Հայաստանում է շարունակվում». Արշակ Աբրահամյան

Վերլուծաբան, հասարակական-քաղաքական գործիչ Արշակ Աբրահամյանը ֆեյսբուքյան իր էջում գրել է. «Ներեցեք, իսկ Արցախում տարիներ շարունակ բնակված և իրենց գործունեությամբ Արցախը ՀԱՅԿԱԿԱՆ պահող, բայց ՀՀ գրանցում ունեցող քաղաքացիներին ինչո՞ւ չեք ներառում որևէ աջակցման ծրագրի մեջ։ Տարիներ շարունակ (անգամ շրջափակման ժամանակ) նրանց Արցախում էին անտեսում՝ պատճառաբանելով, որ գրանցում չունեն և չեն կարող օգտվել սոցիալական աջակցման ծրագրերից, նույնը շարունակվում է նաև այստեղ։ Բայց չէ որ այդ մարդիկ արցախցիների հետ հավասար պայքարել են, սոված են մնացել շրջափակման ժամանակ և ունեցել են նույն ապրումները, երբ անցել են գաղթի ճանապարհը…
Բավական չէր Արցախի անարդարությունները, նույնն էլ Հայաստանում է շարունակվում։ Արցախցիներին տալիս եք՝ լավ եք անում, բայց այդ մարդկանց մի արհամարհեք պարոնայք աջակցման ծրագրեր գրողներ, որովհետև շատ մոտ ապագայում կրկին զգալու եք նրանց կարիքը…
Այսպես բաժան-բաժան անելու արդյունքում է ազգը հայտնվել նման իրավիճակում»: