«Զգույշ եղեք Հայբիզնեսբանկից»․ Կարեն Հեքիմյան

Պահպանողական կուսակցության նախագահ Կարեն Հեքիմյանի ֆեյսբուքյան գրառումը. «Զգույշ եղեք ARMBUSINESSBANK CJSC-ից (ABB բանկ): Ամեն գնով գումար աշխատելու մոլուցքով տարված, վերջինս սկսել է մտնել հաճախորդների «գրպանները»:
Ուրեմն, 2023թ․ մայիսին բանկը հայտարարեց, որ իր կողմից հաճախորդներին ուղարկված SMS-ները վճարովի են դառնալու: Սա աննախադեպ, չլսված խայտառակություն է, քանզի պատկերացրեք, որ, օրինակ՝ բանկը հաճախորդներին ինքն իրեն գովազդող SMS ուղարկի և, ըստ այդմ, բանկի գովազդի համար հաճախորդները վճարեն: Պատկերացրեք նաև, որ նկարագրված գործողությունն իրականացվի հաճախակի պարբերականությամբ:
Այսօրինակ խայտառակության վերաբերյալ ինչ-որ կերպ տեղեկացված հաճախորդները բանկի մասնաճյուղերում SMS ծառայությունից հրաժարվելու վերաբերյալ դիմումներ գրեցին, սակայն դա էլ չօգնեց: Որոշ ժամանակ անց, բանկը «կորցրեց դիմումները» և վերսկսեց SMS-ներ ուղարկելու գործընթացը:
Բանկի «Տերյան» մասնաճյուղում ասում են, որ հաճախորդը պարտավոր է հիշել բանկում դիմում գրելու օրը և ժամը և, եթե չի հիշում, ապա «բանկը ոչնչով օգնել չի կարող»: Այսինքն, բանկում չկա դիմումների էլեկտրոնային բազա և հաճախորդը պարտավոր է ամեն ինչ հիշել: Սակայն, եթե հաճախորդը կամայական թիվ «վերհիշի», ապա բանկի մասնաճյուղի Հերիքնազը կհերքի այն, պատճառաբանելով, որ այդ օրը որևէ դիմում չի գրվել: Եվ, մինչև հաճախորդը «հիշում է», իսկ Հերիքնազը՝ հերքում, հաճախորդը բանկից SMS-ների հերթական խմբաքանակն է ստանում: Նույն մասնաճյուղի կառավարիչը ևս չի տիրապետում բանկում գրված դիմումների էլեկտրոնային բազային: Ավելին՝ վերջինս դեմ չէ, որ յուրաքանչյուր հաճախորդ ամեն օր բանկ այցելի և ամեն օր SMS-ներից հրաժարվելու դիմում գրի: Այդ դեպքում, բանկին դիմումների էլեկտրոնային բազա այլևս անհրաժեշտ չի լինի:
Քանի որ «հերիքնազությունը» (ամեն ինչ հերքելը) Հայբիզնեսբանկի աշխատաոճն է, ապա բանկին ինչ-որ բան ապացուցելը շատ ժամանակ և մեծ ջանք է պահանջելու: Իսկ այդ ընթացքում SMS-ները գալիս են ու գալիս»։

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
30319.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
28719.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
161816.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
129915.11.2026, 19:19
Խաղողագործներին փող չեն տալիս․ «Հրապարակ»
75414.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
168613.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
76312.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
203510.11.2026, 19:37