«Հրաժարվեցի իմ հարցազրույցը Պետրոս Ղազարյանի տաղավարում անցկացնելուց». Սամվել Շահրամանյան

Ինչպես հայտնել ենք, Արցախի նախագահ Սամվել Շահրամանյանը հարցազրույց է տվել «Արցախի հանրային հեռուստաընկերությանը»: «Հոկտեմբերի 20-ին դուք հայտարարել եք, որ հարցազրույց կտաք «Հայաստանի հանրային հեռուստաընկերությանը», սակայն ձեր ծրագրերը փոխվեցին, ինչո՞ւ»,- հարց հնչեցրեց հարցազրուցավարը, որին նախագահը պատասխանեց. «Ճիշտն ասած, առաջին հարցազրույցս մտադիր էի տալ հենց «Արցախի հանրային հեռուստաընկերությանը», բայց հաշվի առնելով այն հանգամանքը, որ կոնկրետ Պետրոս Ղազարյանի տաղավարում հրավիրված անձինք հնչեցրել էին կեղծ և իրականությանը չհամապատասխանող տեղեկություններ, հենց այդ տաղավարից էլ ցանկանում էի հերքել ու պարզաբանումներ տալ: Սակայն հարցազրույցը կազմակերպելու մեր առաջարկներին չհետևեց որևիցե առաջարկ, և ես հրաժարվեցի իմ հարցազրույցը Պետրոս Ղազարյանի տաղավարում անցկացնելու գաղափարից»: