«Սրանից ավելի ո՞նց այս մարդիկ խոստովանեն». Կիվիրյան

Վերլուծաբան Արգիշտի Կիվիրյանը ֆեյսբուքյան իր էջում գրում է. «Ես վերջին ամիսներին իմ մի շարք հարցարույցներում այնպիսի միտք եմ հայտնել, որ դա հին տեխնալոգիա ա, որ ըմբոստ ազգերին կոտրում են արյունով։ Իր վերջին հարցազրույցում Արցախի այդպես կոչված նախագահ Սամվել Շահրամանյանը, հավանաբար իր քաղաքական անգրագիտությունից ելնելով, փաստացի ընդունեց այդ սխեմայի առկայությունը և գործարկումը, հայտարարելով, որ ոչ մի ժողովուրդ, ինքնակամ, առանց դիմադրության չէր լքի իր հայրենիքը։ Այսինքն, ավել ոնց այս մարդիկ խոստովանվեն ու ընդունեն, որ իրենք Արցախում իրավիճակը հասցրել են այնպիսի եռման կետի, որ վերջում էլ փաստացի կատարյալ անիմաստ դիմադրություն-արյունահեղության պարագայում վերջապես մարդկանց հասցնեն հայրենիքը լքելուն։ Դրա համար էլ երկար ամիսներ, երբ դեռ կար հնարավորություն փորձել գնալու այնպիսի լուծումների, որոնք թույլ կտային Արցախցուն մնալ իր հողում, համառորեն մերժվում էր ցանկացած իրավիճակից բխող մոտեցում ու հատուկ կերպով իրավիճակը տարվում սրման։ Այսքանից հետո այս մարդիկ մնում ա ընդամենը դեռ խոստովանեն, թե ինչի էր իրենց պետք, որ Արցախցին ամեն գնով լքի իր հայրենքը։ Դա էլ խոստովանեք ու պրծեք»: