«Դիմում եմ ներկայացրել ՀՀ ԱԺ պատգամավորական մանդատից հրաժարվելու վերաբերյալ». Անժելա Նալբանդյան

«Վերածնվող Հայաստան» կուսակցության մամուլի քարտուղար Անժելա Նալբանդյանը հրաժարվել է պատգամավորական մանդատից։ Այս մասին նա գրել է ֆեյսբուքյան իր էջում։

«Հարգելի հայրենակիցներ,

Այսօր պաշտոնական դիմում եմ ներկայացրել ՀՀ ԱԺ պատգամավորական մանդատից հրաժարվելու վերաբերյալ: Որոշումս, կարծում եմ, միանգամայն պարզ է ու հասկանալի՝ հաշվի առնելով Ազգային Ժողովից հեռանալու «Վերածնվող Հայաստան» կուսակցության՝ դեռևս նախորդ տարի նոյեմբերին կայացրած և գործող որոշումը:
Միևնույն ժամանակ, «Վերածնվող Հայաստան» կուսակցությունը շարունակում է իր գործունեությունը ընդդիմադիր դաշտում՝ կուսակցության հռչակած արժեքների ու քաղաքականության շրջանակում»,- ասվում է հայտարարության մեջ։

Հիշեցնենք, որ ավելի վաղ մանդատից հրաժարվելու մասին հայտարարել էին նաև ցուցակում ընդգրկված Միհրդատ Մադաթյանն ու Գերասիմ Վարդանյանը։